"Suriyada Türkiyənin söz sahibi olması İran və Rusiyanın strateji planlarının alt-üst olması demək idi. Bu ölkələr media üzərindən Suriyada, əslində, Türkiyənin yox, İsrailin qalib gəldiyini təlqin etməyə çalışırdı".

Bu sözləri Suriyada baş verən son hadisələri şərh edərkən jurnalist Turan İbrahimov deyib.

O qeyd edib ki, İsrail, İran və Rusiya eyni tezislərlə bir rəy formalaşdırmağa çalışır: Suriyadakı müvəqqəti hökumət ələvilərə qarşı məzhəb zəminində qətliam törədir.

"Xüsusilə İran Suriyada məzhəb qarşıdurmasının olduğunu vurğulamağa çalışır. Sanki hazırda iqtidarda olan məzhəbin nümayəndələri ələviləri qırırlar. Proses Suriyanı parçalamağa doğru gedir", - deyə T.İbrahimov əlavə edib.