Rusiyanın Sankt-Peterburq şəhərində bədbəxt hadisə yaşanıb.

Bizimlider-in xəbərinə görə, bu barədə "112" "Telegram" kanalı məlumat verib.

Məlumata görə, şəhər metrosunun "Vasileostrovskaya" stansiyasında eskalator hərəkət zamanı dayanıb. Gözləmək istəməyən sərnişinlər eskalatorun pilləkənləri ilə piyada şəkildə yuxarıya qalxmağa başlayıblar. Lakin bu zaman eskalator qəfil işə düşüb və sərnişinlər müvazinətlərini itiriblər.

Qadınlardan biri büdrəyərək yıxılıb və telefonu əlindən yerə düşüb. Digər qadın isə yıxılıb və pilləkənlərlə üzüaşağı yuvarlanmağa başlayıb. Qadının vəziyyəti ilə bağlı məlumat verilmir.

Hüquq-mühafizə orqanlarının əməkdaşları hadisə ilə bağlı araşdırmalara başlayıblar.