İrəvanın keçmiş meri, “Eerkrap” könüllülər birliyinin keçmiş sədr müavini Albert Bazeyan Ermənistanın baş naziri Nikol Paşinyana qarşı sui-qəsd hazırladığına görə həbs edilib.

Bu barədə onun vəkili Georgi Melikyan məlumat verib.

Qeyd edilir ki, məhkəmə istintaqın Albert Bazeyanla bağlı vəsatətini təmin edib.

Xatırladaq ki, Albert Bazeyan sentyabrın 23-də axşam saatlarında öz mənzilində saxlanılıb. Ermənistan Milli Təhlükəsizlik Xidmətinin əməkdaşları onun evində axtarış aparıb, bəzi əşya və sənədləri götürüblər. Bundan sonra o, Milli Təhlükəsizlik Xidmətinə, daha sonra isə Daxili İşlər Nazirliyinin İrəvanın Erebuni rayonundakı təcridxanasına aparılıb. O, hakimiyyəti qəsb etmək cəhdində şübhəli bilinirdi.