Avropa kəşfiyyatı hesab edir ki, Rusiya gələn qış Avropaya hücum etməyə cəhd edə bilər.

Publika.az xəbər verir ki, bu barədə Almaniyanın "Bild" tabloidi məlumat yayıb.

"Rusiya məhz ABŞ-ın lidersiz qaldığı anda Avropanı vura bilər. Birləşmiş Ştatlar yalnız bir qədər gecikdikdən sonra Avropa dövlətlərinin köməyinə gələ biləcəklər. Çox güman ki, söhbət 2024-cü ilin noyabrından 2025-ci ilin yanvarına qədər olan müddətdən gedir. Bu aylar ərzində ABŞ-da prezident dəyişikliyi olacaq", - belə məlumat Avropa kəşfiyyatından "Bild"ə ötürülür.

Eyni zamanda, "Asia Times" daha əvvəl yazmışdı ki, Rusiyanın Baltikyanı və Şərqi Avropada xüsusi əməliyyatlarını genişləndirmək planları yoxdur. Belə ki, Rusiyanın Aİ ölkələrinə hücumundan ehtiyat edən Pentaqon rəhbəri Lloyd Ostinə cavab verilib. Rusiya prezidenti Vladimir Putin bildirib ki, Rusiyanın Avropa ilə hərbi əməliyyatlar keçirmək planı yoxdur .