Rusiya hakimiyyəti bir il ərzində Ukraynada döyüşmək üçün 26 mindən çox insanı cəlb edib ki, onların da 10%-i başqa ölkələrin vətəndaşlarıdır.

Publika.az xəbər verir ki, bu barədə Müqavilə Xidməti üçün Vahid Seçim Məntəqəsinin məlumatlarında göstərilib.

Bildirilib ki, orada çinlilər, serblər, braziliyalılar və misirlilər var, əksəriyyəti isə Özbəkistan və Tacikistan vətəndaşlarıdır.

Moskvanın cəbhəyə verdiyi bütün müqaviləli əsgərlərin təxminən 70%-i digər bölgələrdən olan ruslardır. Muskovitlər və Moskva vilayətinin sakinləri seçim məntəqəsindən keçən bütün yeni müqaviləli əsgərlərin 20%-dən azını təşkil edir.

Müqavilə Xidməti üçün Vahid Seçim Məntəqəsinin məlumatlarına görə, 2023-cü ilin yayın ortalarından 2024-cü ilin avqust ayının əvvəlinə qədər Rusiya Müdafiə Nazirliyi ilə müqavilələrə maraq azalıb. Beləliklə, 2023-cü ilin avqustunda 3 mindən çox, 2024-cü ilin iyununda isə 1 mindən bir qədər çox insan müharibədə iştirak etməyə razılıq verib.