Ermənistanda əhalinin sürətli şəkildə ölkəni tərk etməsi prosesi davam edir.

Ermənistanın news.am portalının məlumatına görə, ölkənin “Zvartnots” və “Şirak” hava limanlarında 2021-ci ilin iyun ayında sərnişin axını ümumilikdə 200534 nəfər təşkil edib.

İyun ayında hava yolu ilə ölkəyə gələnlərin sayı (iki hava limanındakı statistikaya əsasən) 355952 nəfər olub.
2021-ci ilin iyun ayında hava yolu ilə ölkəni tərk edənlərin sayı isə 416054 nəfər təşkil edib.

Beləliklə, təkcə 2021-ci ilin iyun ayında və yalnız statistikası açıqlanan “Zvartnots” və “Şirak” hava limanlarından hava yolu ilə ölkəni tərk edənlərin sayı gələnlərdən 60102 nəfər çox olub.

Qeyd edək ki, Ermənistan əhalisinin ölkəni tərk etməsi problemi ölkədəki acınacaqlı sosial-iqtisadi vəziyyətlə əlaqədardır. Statistik rəqəmlər uzun illərdir ermənilərin ölkədəki korrupsiya, rüşvətxorluq, ağır və dözülməz həyat şəraiti və. s-dən cana gələrək başqa ölkələrə miqrasiya etdiyini göstərir.