Yaponiyada koronavirusa yoluxma hallarının gündəlik artımı bütün pandemiya dövründən bəri ilk dəfə 20 mini keçib.

NHK telekanalı bu barədə ölkə bələdiyyələrinin məlumatlarına istinadən xəbər verib.

Bildirilir ki, yoluxma halında rekord artımla yanaşı ağır vəziyyətdə olan xəstələrin sayının çoxalması da müşahidə olunub.

Hökumət xəstələrin müalicəsində anticisim kokteyllərindən istifadəni genişləndirmək niyyətindədir. Söhbət İsveçrənin “Roche” şirkətinin ABŞ-ın “Regeneron” şirkəti ilə birlikdə hazırladığı preparatdan gedir.

Bundan başqa zəruri olmayan səyahətlərdən çəkinməklə bağlı əhaliyə çağırış edilib.