Dövlət Ekoloji Təhlükəsizlik Xidmətinin əməkdaşları tərəfindən qanunsuz balıq ovlayan şəxslər saxlanılıb.

Bu barədə Ekologiya və Təbii Sərvətlər Nazirliyi məlumat yayıb.

Xidmət rəsmisi Bəhruz Məhəmmədov bildirib ki, araşdırma zamanı brakonyerlərin Astara rayon sakinləri Zülfü Süleymanov, Coşqun Dadaşov, Bakı şəhər sakini Akif Baxşıyev, Ağcabədi rayon sakini Rəhman Quliyev olduğu müəyyən edilib.

Faktla bağlı akt, protokol tərtib olunub və təqsirkar şəxslər barəsində qanunamüvafiq tədbirlər görülüb.

Eyni zamanda, ayrı-ayrı rayonların inzibati ərazisində ov etdiklərinə görə Lerik rayon sakini Əlizadə Sayılov, Neftçala rayon sakini Famil Mirzəyev, Ucar rayon sakini Xeyrəddin Məmmədov, Bakı şəhər sakinləri Babək Əliyev, Həşim Həsənov, Anar Alıyev, Əziz Əliyev, Qusar rayon sakinləri Şadlıq Saruxanov, İlqar Asanov, Sabirabad rayon sakini Tahir Muxtarov, Biləsuvar rayon sakini Mikayıl Əhmədov saxlanılıb və barələrində protokol tərtib edilərək cərimələnib.