Gəncədə və Ağstafada zəhərlənmə faktları qeydə alınıb.

Oxu.Az xəbər verir ki, Gəncədə 2001-ci il təvəllüdlü Əliyev Kamil zəhərlənmə diaqnozu ilə xəstəxanaya yerləşdirilib, vəziyyətinin normal olduğu bildirilir.

Ağstafada isə rayonun Dağkəsəmən kənd sakini, 1990-cı il təvəllüdlü Səbinə Xudaverdiyeva zəhərlənmə diaqnozu ilə xəstəxanaya çatdırılıb.

Dərhal qadına lazımi tibbi yardım göstərilib, vəziyyətinin kafi olduğu bildirilir. Məlumata görə, hər iki xəstə yaşadıqları evin hamam otağında dəm qazından zəhərləniblər.