Rusiya “S-500” “Prometey” hava hücumundan müdafiə sisteminin seriya istehsalına başlayıb.

Bu barədə Rusiyanın “Almaz-Antey” hava kosmik müdafiə konserninin baş direktoru Yan Novikov “National Defence” jurnalına müsahibəsində məlumat verib.


“Bu sistemin döyüş qabiliyyəti əvvəllər yaradılmış zenit-raket sistemləri və zenit-raket komplekslərinin imkanlarını xeyli üstələyir. “S-500” “Prometey” gücünə görə Rusiya hava-kosmik müdafiə qoşunlarının əsası olmağa qadirdir”, - deyə Yan Novikov vurğulayıb.

Qeyd edək ki, “S-500” “Prometey” yeni nəsil yer-hava tipli hava hücumundan müdafiə sistemlərinə aiddir.

“S-500” “Prometey”in hədəfi vurma radiusu təxminən 600 kilometrdir.

Mənbə: Nationaldefensemagazine