Rusiyalıların yayın ilk ayında Azərbaycana səfəri 70 faiz artıb.

Bu barədə Rusiyanın “OneTwoTrip” səyahət planlaşdırma xidmətinin analitikləri açıqlama veriblər.

Bunun üçün onlar may ayı ilə müqayisədə 1-31 iyun müddətində rezervasiyaları ən populyar 30 ölkənin hesabatını hazırlayıblar.

Siyahıdan məlum olur ki, Azərbaycan rusiyalılar üçün mövcud olan xarici istiqamətlər arasında Şri-Lanka, İspaniya və Almaniyadan sonra gəlir.

Bundan əlavə rusiyalıların yay mövsümündə seçdikləri ölkələrin ilk 10-luğuna Özbəkistan, İtaliya, Fransa, Misir, İndoneziya və Maldiv adaları daxil olub.