Türk Qızıl Aypara Cəmiyyətinin briqadaları Bartındakı hadisənin ilk anlarından vətəndaşlarımızın yanında olub. Qəza mədənində axtarış-xilasetmə prosesində iştirak edən heyətlərin, mədənçilərin ailələrinin, ümumiyyətlə hadisə yerində olan hər kəsin zəruri ehtiyaclarını ödəmək missiyasını nizamlı qaydada yerinə yetirmişik.
AZƏRTAC xəbər verir ki, bu fikirləri Türk Qızıl Aypara Cəmiyyətinin fövqəladə hallar üzrə xidmət rəhbəri İbrahim Özər hadisə yerində Azərbaycan mediasına açıqlamasında ifadə edib.
Mədən qəzasında həyatının itirənlərin ailələrinə və doğmalarına başsağlığı, xəstəxanada olanlara şəfa dilədiyini bildirən İbrahim Özər deyib ki, faciənin fəsadları çox ağırdır. O, belə acıların bir daha heç yerdə yaşanmamasını arzu edib.