Türkiyə parlamentinin sədri Mustafa Şəntop BMT-nin təsis məqsədlərində nəzərdə tutulan missiyasını yerinə yetirə bilmədiyini bildirib.

Bu barədə Türkmənistanda səfərdə olan Şəntop Aşqabadda parlamentdə çıxışı zamanı deyib:

“Keçən əsrin problem və ehtiyaclarına həll və cavabı üçün qurulan beynəlxalq sistemin aktorları və qurumları bu günün tələblərinə cavab verə bilmir və problemlərinə çarə tapmırlar”.

Sözügedən vəziyyətə Azərbaycan, Gürcüstan və Ukraynadakı təcrübələri misal gətirən Şəntop qeyd edib: “Bu proseslər Birləşmiş Millətlər Təşkilatında yeni bir beynəlxalq sistem, yeni struktur ehtiyacını doğurur. Bu mühitdə regional əməkdaşlıq, beynəlxalq həmrəylik və əməkdaşlıq daha vacibdir”.