Ötən gün Tərtər rayonunun işğaldan azad edilən Talış kəndindən Tapqaraqoyunlu kəndi istiqamətində minaya düşərək həlak olanların nəşi ailələrinə təhvil verilib.

“Report”un Qarabağ Bürosunun məlumatına görə, onlar bu gün torpağa tapşırılacaqlar.

Qeyd edək ki, aprelin 28-də tank əleyhinə minanın partlayışı nəticəsində “RPS Energy Ltd.” şirkəti ilə çalışan Yusifov Nadir Pənah oğlu, Gözəlov Səxavət İsmayıl oğlu və Sədiyev Fərid Mehman oğlu həlak olub.

Hadisə nəticəsində həlak olmuş şəxslər “RPS Energy Ltd.” şirkətinin əməkdaşları olub.

Faktla bağlı cinayət işi başlanıb.