Bakı-Quba yolunda ağır yol-nəqliyyat hadisəsi baş verib.

Bizimlider Baku TV-yə istinadən xəbər verir ki, hadisə Abşeron rayonunun Ceyranbatan qəsəbəsində qeydə alınıb.

Belə ki, "Mercedes" markalı minik avtomobili əvvəlcə ərazidəki körpünün dayağına çırpılıb, daha sonra idarəetmədən çıxaraq aşıb.

Hadisə nəticəsində sürücü xəsarət alıb və dərhal xəstəxanaya yerləşdirilib.

Faktla bağlı araşdırma aparılır.