Hakkarinin Yüksekova rayonunda müəllimlik edən eyni zamanda, turist olaraq müxtəlif qəsəbələri, rayonları gəzən Ümid Bartın gəzinti zamanı şoka düşüb.

Rayondan 21 kilometr uzaqlıqdakı Qarabəy qəsəbəsinə gedən müəllim qarşısında bir sürü ilan görüb. O, buranın xalq arasında "ilan çeşməsi" olaraq tanındığını bildirib.

Bartın açıqlamasında "Brazilyanın İlan adası kimi qarşımda yüzlərlə ilan dururdu. Yaşadığım ərazidə bu cür heyvanların olması məni xoşbəxt etdi. Bu mənzərəni qaçıra bilməzdim. Onların zərər görməyəcəyi şəkildə müxtəlif nöqtələrdən foto və videolarını çəkməyə çalışdım"-deyib.

---

---