Bakı Apelyasiya Məhkəməsində külli miqdarda dələduzluqda təqsirli bilinən Aydın Aslanovun barəsində olan hökmdən verilən şikayətə baxılıb.
Hakim Sahibxan Mirzəyevin sədrliyi ilə keçirilən prosesdə qərar elan edilib.

Qərara əsasən, Bakı Ağır Cinayətlər Məhkəməsinin hökmü ləğv edilib və A.Aslanov barəsində bəraət hökmü çıxarılıb.

Qeyd edək ki, A.Aslanov külli miqdarda dələduzluqda ittiham olunub. Bakı Ağır Cinayətlər Məhkəməsinin hökmü ilə barəsində sınaq müddəti seçilməklə şərti cəza verilib.(apa)