"Qoy Ağ Evin keçmiş rəhbəri Co Bayden barəsində araşdırma aparılıb-aparılmayacağına ABŞ Konqresi qərar versin".

Bizimlider-in xəbərinə görə, bu sözləri ABŞ Prezidenti Donald Tramp "Fox News" telekanalına müsahibəsində deyib.

"Hər şey onunla bağlı idi - demək istəyirəm ki, pul ona (Baydenə) qismət oldu. Düşünürəm ki, biz Konqresə araşdırma aparmaq barədə qərar verməyə imkan yaradacağıq", - deyən Tramp jurnalistin söhbətin hansı pullardan getdiyi barədə sualını cavabsız qoyub.

Özünə qarşı açılmış cinayət işləri ilə bağlı məhkəmə proseslərindən danışan Tramp qeyd edib ki, dörd il boyunca hüquq xidmətlərinə milyonlarla dollar xərcləyərək cəhənnəm əzabı yaşayıb.