Polşada zərərsizləşdirmə zamanı beş tonluq seysmik bomba partlayıb.

Bu barədə BBC xəbər yayıb.

“Tallboy” bombası II Dünya müharibəsindən bəri partlamayan ən böyük bomba idi. Britaniya aviasiyası 1945-ci ildə onu Baltik dənizində almanlara məxsus gəmiyə atıb.

Uzunluğu 6 metr, çəkisi isə 5,4 ton olan bomba 12 metr dərinlikdə idi.

Mütəxəssislər deflaqrasiya prosesini (partlayıcı maddələrin partlayışsız yanması) həyata keçirmək istəyirdilər, ancaq əməliyyat əsnasında bomba işə düşüb.