"Ukrayna Rusiya üçün hərbi sürprizlər hazırlayıb".

Publika.az xəbər verir ki, bunu ABŞ Dövlət Departamentinin mətbuat xidmətinin rəhbəri Metyu Miller deyib.

Onun sözlərinə görə, ABŞ bu sürprizlərin Ukrayna ordusunun döyüş meydanında qələbə qazanmasına necə kömək edəcəyini səbirsizliklə gözləyir.

Miller heç bir təfərrüat verməyib. O, yalnız əlavə edib ki, Ukrayna keçmişdə döyüş meydanında böyük qələbələr qazanıb.

Martın 5-də Rusiyanın Vaşinqtondakı səfiri Anatoli Antonov Şərqi Avropada NATO ilə Moskva arasında birbaşa hərbi toqquşma riski barədə xəbərdarlıq edib . Onun sözlərinə görə, bir müddət əvvəl Amerika və Alman tanklarının Rusiya ilə qonşu olan respublikanın tarlalarında necə hərəkət edəcəyini təsəvvür etmək mümkün deyildi, lakin indi NATO üzvü olan ölkələrin hərbi qulluqçularının hərbi əməliyyatlarda iştirakının mümkünlüyü müzakirə olunur.

Antonovun sözlərinə görə, bütün bunlar ABŞ-ın dəstəyi ilə baş verir.