“Instagram”ın tərtibatçıları tətbiqə yeni funksiya əlavə ediblər ki, bunun sayəsində istifadəçilər mesajları redaktə edə biləcəklər.

Publika.az xəbər verir ki, bu barədə "The Verge" məlumat yayıb.

Bu yenilik mesaj göndərildikdən sonra 15 dəqiqə ərzində dəyişiklik etməyə imkan verir. Bunu etmək üçün göndərilən mesajın üzərinə basıb saxlamalı və sonra görünən menyudan "Redaktə et"i seçmək lazımdır. Bu yeniləmədən əvvəl istifadəçilər bütün mesajı silməli olurdular.