MDB ölkələrinin liderləri Kazanda keçiriləcək BRİKS sammitinə dəvət olunublar.

Bu barədə Rusiya prezidentinin köməkçisi Yuri Uşakov jurnalistlərə bildirib.

“Doqquz üzv ölkədən başqa, MDB ölkələrinin liderləri də dəvət olunub”, - deyə Uşakov bildirib.

O qeyd edib ki, Afrika, Latın Amerikası, Yaxın Şərq və Cənub-Şərqi Asiyada nüfuzlu regional inteqrasiya birliklərinə rəhbərlik edən dövlət başçılarına da dəvətlər göndərilib.

“Təbii ki, təşkilata üzvlüyə və ya BRİKS-də əməkdaşlığın bu və ya digər formasına can atan bir çox ölkələrin liderləri də dəvət olunub”, - deyə Uşakov bildirib.

BRİKS Braziliya, Rusiya, Hindistan, Çin və Cənubi Afrikanı birləşdirir, lakin son vaxtlar 23 dövlət artıq iqtisadi bloka qoşulmaq arzusunu bildirib.