Bu gecə yuxuma gəlmişdin yenə,
Göydən yerə enən bir mələk kimi.
Cənnət bağçasında gülə, çəmənə
Qonan allı-güllü kəpənək kimi.

Yenə də dil susdu, gözlər danışdı,
Sən demə yuxuda danışmaq olmur.
Ayıldım; Ürəyim yandı, alışdı,
Heyif ki, yuxuda alışmaq olmur.

Bir zaman qaynayan bulağın gözü
Yenə cana gəldi, yenə çağladı.
Son qoydu vüsala şeytanın sözü,
İldırımlar çaxdı bulud ağladı.

Şirin bir yuxuymuş demə məhəbbət,
Kaş ki, bu yuxudan ayılmayaydıq.
Ayıldım, yenidən başladı həsrət,
Kaş ki, heç sevgili sayılmayaydıq.

Müəllif: Dövlət qulluqçusu Səfərov Roman Yadelli