Mingəçevirin Aran qəsəbəsində baş verən ağır yol-nəqliyyat hadisəsində xəsarət alanların vəziyyəti açıqlanıb.

Bu barədə Bizimlider-in sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, iki nəfərin vəziyyəti ağırdır:

"Fevralın 15-i saat 01:10-da Mingəçevir Şəhər Mərkəzi Xəstəxanasının Təcili tibbi yardım şöbəsinə yol-nəqliyyat hadisəsi nəticəsində xəsarət alan dörd nəfər (ikisi qadın cinsli, ikisi kişi cinsli) hospitalizasiya olunub.

Müxtəlif növ bədən xəsarətləri alan şəxslər müvafiq tibb müəssisələrinə yerləşdiriliblər. Onların müalicələri davam etdirilir. Hazırda iki nəfərin vəziyyəti ağır, digərlərinin isə stabil qiymətləndirilir".

Aygün Mirakif

01:16

Mingəçevirin Aran qəsəbəsində ağır yol-nəqliyyat hadisəsi baş verib.

Bizimlider "Teleqraf"a istinadla xəbər verir ki, gecə saatlarında "KIA Sorento" markalı avtomobilin sürücüsü idarəetməni itirib, nəticədə avtomobil dəmiryol xəttinin orta hissəsinə düşüb. Həmin vaxt qeyd edilən ərazidə qatar hərəkətdə olmayıb.

Hadisə nəticəsində dörd nəfər ağır xəsarət alıb. Onlardan ikisi qadındır.

Kişilərdən birinin vəziyyətinin çox ağır olduğu bildirilir.