1967-ci ilin dekabr ayının 20-də Naxçıvan Muxtar Respublikasının Şərur rayonunun Həmzəli kəndində fəhlə ailəsində anadan olub. Kənddəki səkkizillik məktəbi bitirdikdən sonra Şərur şəhərindəki 121 saylı peşə-texniki məktəbdə təhsilini davam etdirib. Sonra "Axura" savxozunda fəhlə işləməyə başlayıb. 1990-cı ilin avqust ayından Şərur Rayon Daxili İşlər Şöbəsində işləyirmiş, kiçik polis serjantı olub. 17 dekabr 1990-cı il tarixdə Havuş kəndi yaxınlığında erməni quldurları tərəfindən vəhşicəsinə öldürülmüşdür.
Həmzəli kənd orta məktəbinə şəhid Fikrət Rüstəm oğlu Əliyevin adı verilmişdir.