Türk Hava Yolları bir müddət öncə güclü qar səbəbindən fəaliyyəti dayandırılan İstanbul Hava Limanından uçuşlar həyata keçirməyə başlayıb.

Bu barədə şirkətin baş direktoru Bilal Ekşi bildirib.

“İstanbul hava limanından tədricən uçuşlar həyata keçirməyə başladıq”, - deyə o, özünün “Twitter” səhifəsində yazıb.

Qeyd edək ki, meteoroloqların proqnozlarına görə, əlverişsiz hava şəraiti daha bir neçə gün də davam edə bilər. Yağıntının intensivliyinin cümə gününədək azalması gözlənilir.