Ötən gün axşam saatlarında İsmayıllıda başlayan güclü külək bu gün də davam edib və bir sıra fəsadlara səbəb olub.

“Qafqazinfo” xəbər verir ki, güclü külək rayonun Topçu kəndində orta məktəbin dam örtüyünü qopararaq tamamilə yararsız vəziyyətə salıb.

Külək nəticəsində, həmçinin İsmayıllı sakini Xanoğlan Mustafayevə məxsus tövlənin dam örtüyü yararsız vəziyyətə düşüb. Güclü külək səbəbindən elektrik təsərrüfatında yaranan qəza bir sıra yaşayış məntəqələrini də işıqsız qoyub.