bizimlider.com
http://bizimlider.com
http://bizimlider.com

Kikboksinq millimiz İslamiada üçün ilk məşqləri başa vurur

25-06-2022, 11:00 60 dəfə baxılıb

Kikboksinq millimiz İslamiada üçün ilk məşqləri başa vurur
“İyunun 13-dən Qazax Olimpiya İdman Kompleksində təlim-məşq toplanışındayıq. Hazırlıqlarda iştirak edən məşqçi və idmançı heyəti birgə 28 nəfərdir. Əsasən ümumi fiziki məşqlər edirik. Bu gün Qazaxdakı hazırlığımızı başa vuracağıq”.

Bunu Oxu.Az-a kikboksinq üzrə milli komandamızın baş məşqçisi Elşən Abdulrəhimov bildirib.

O, Türkiyənin Konya şəhərində keçiriləcək İslam Həmrəyliyi Oyunlarınadək Bakıda və Balakəndə də məşqlər keçəcəklərini qeyd edib:

“İyulun 3-dən Bakıda hazırlıqlara başlayacağıq. Bu məşqlər Bakı Olimpiya Stadionunun kikboksinq zalında olacaq. Burada artıq taktiki və texniki məşqlərə üstünlük verəcəyik. Daha sonra Balakəndə iyulun 15-dən 20 gün olmaqla məşqlər keçəcəyik.

İslam Həmrəyliyi Oyunları üçün Türkiyəyə avqustun 13-ü və ya 14-ü çıxacağıq. Çünki bizim yarışlar İslamiadanın son günlərində baş tutacaq”.

Qeyd edək ki, V İslam Həmrəyliyi Oyunları 9-18 avqust tarixlərində baş tutacaq. Kikboksinq yarışları Səlçuklu Bələdiyəsi Beynəlxalq İdman Zalında keçiriləcək. Bu idman növü üzrə mübarizə 16-18 avqust tarixlərində baş tutacaq.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA
«    Eylül 2024    »
PtSaÇrPrCuCtPz
 1
2345678
9101112131415
16171819202122
23242526272829
30