Altıncı çağırış Naxçıvan Muxtar Respublikası Ali Məclisinin doqquzuncu sessiyasının gündəliyində əsas məsələlərdən biri də Naxçıvan Muxtar Respublikasının 2023-cü il büdcəsinin təsdiq edilməsi olub.

APA xəbər verir ki, Naxçıvan Muxtar Respublikasının 2023-cü il üçün büdcəsində təhsil sahəsinə 173 133 731,0 manat, səhiyyə sahəsinə 14 465 850,0 manat, sosial müdafiə və sosial təminat üçün isə 60 918 987,0 manat ayrılması nəzərdə tutularaq təsdiq olunub.

Qeyd edək ki, qəbul edilmiş Naxçıvan Muxtar Respublikasının 2023-cü il büdcəsi haqqında Naxçıvan Muxtar Respublikasının Qanununa görə muxtar respublikanın cari il üçün büdcə gəlirləri 132 222 000,0 manat, xərcləri 614 652 500,0 manat təsdiq edilib. Gəlir və xərcləri tənzimləmək üçün ayrılan dotasiya isə 482 430 500,0, o cümlədən mərkəzləşdirilmiş gəlirləri 80 497 000,0 manat, yerli gəlirləri 51 725 000,0 manat, mərkəzləşdirilmiş xərcləri 558 315 500,0 manat, yerli xərcləri isə 56 337 000,0 manat təşkil edib.