Vaşinqton administrasiyası hesab edir ki, Ukraynanın Soledar və Baxmut şəhərlərinin Rusiyanın nəzarətinə keçməsinin strateji əhəmiyyəti olmayacaq.

APA-nın TASS-a istinadən verdiyi məlumata görə, bu versiyanı cümə axşamı keçirilən brifinqdə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi irəli sürüb.

“Hadisələrin bundan sonra necə inkişaf edəcəyini bilmirik. Ona görə də mən bu işdə nə uğursuzluq, nə də uğur proqnozlaşdırmayacağam”, - Kirbi bildirib.

“Ancaq Rusiya Baxmut və Soledarı alsa belə, bu, müharibənin özünə strateji təsir göstərməyəcək. Və bu, şübhəsiz ki, ukraynalıların öz ərazilərini azad etmək cəhdlərini dayandırmayacaq və ya ləngitməyəcək” Kirbi vurğulayıb.