Rusiya, Çin və Qərb ölkələri arasında qarşıdurma beş il davam edəcək.

Publika.az xəbər verir ki, bu sözləri fransalı antropoloq, tarixçi Emmanuel Todd Le "Figaro"ya müsahibəsində deyib. Ekspertin sözlərinə görə, hazırda ABŞ və Rusiya arasında Çinlə üçüncü dünya müharibəsi gedir. SSRİ-nin dağılacağını 15 il öncədən proqnozlaşdıran Todd vurğulayıb ki, Qərb 2022-ci ildə Rusiyanın iqtisadi məhvini gözləyirdi, lakin bu baş vermədi. “Biz avropalılar həm də iqtisadi baxımdan münaqişədə çox iştirak edirik. Əslində biz bunun nəticələrini inflyasiya və bir sıra malların qıtlığında hiss edirik”.
Ekspert əlavə edib ki, xüsusi əməliyyat başlayan zaman Rusiyanın xəbərdarlıqlarına baxmayaraq, “Ukrayna faktiki olaraq NATO-ya üzv olub”. Toddun fikrincə, Amerika siyasətinin əsas aksiomu ondan ibarətdir ki, hərbi münaqişələr ABŞ-a çatmayacaq, çünki onlar uzaq və təhlükəsizdir.

“Ancaq bu, ABŞ prezidenti Co Baydeni bu gün macəralara sövq edən sadəcə uzaqgörən təhlildir. Əslində, Amerika sistemi bu gün kifayət qədər kövrəkdir. Rusiya iqtisadiyyatının müqaviməti Amerika imperiya sistemini ABŞ-ın özünün fərqinə varmayacağı uçuruma sövq edə bilər.

Rusiya ilə qarşıdurma Vaşinqton üçün həyati əhəmiyyət kəsb edir. Ruslar təxminən beş ildən sonra bu döyüşdə qalib gələcək və ya uduzacaq. Yalnız bundan sonra qalib bəlli olacaq”, - o, Rusiya Federasiyası ilə Qərb arasında müharibənin nəticələri barədə proqnoz verərkən deyib.