ABŞ dövlət katibi Entoni Blinken hesab edir ki, Azərbaycan və Ermənistan tezliklə sülh sazişi üzrə razılıq əldə edə bilər.

Publika.az xəbər verir ki, o, çərşənbə günü Konqres Senatının xarici əlaqələr komitəsindəki dinləmələrdə çıxış edərək bunu təsdiqləyib.

“Hesab edirəm ki, əlverişli şərait var, hərçənd onu şişirtmək istəmirəm, lakin sülh sazişinin hazırlanmasını faktiki olaraq başa çatdırmağa imkan verən fürsət var”, - deyə ABŞ xarici siyasət departamentinin rəhbəri Vaşinqtonun Bakı ilə İrəvan arasında normallaşmanı təşviq etmək cəhdlərini şərh edərkən bildirib.