Bakıda yeniyetmə boksçular arasında ümummilli lider Heydər Əliyevin 100 illiyinə həsr olunan beynəlxalq turnir davam edir.

Azərbaycan Boks Federasiyasının yaydığı məlumata görə, yarışın ikinci günündə 7 çəki dərəcəsində 19 döyüş təşkil olunub.

Bu qarşılaşmalardan 18-i 1/4 final mərhələsi çərçivəsində baş tutub. Görüşlərin yekuna əsasən yarımfinala vəsiqə əldə boksçular bəlli olub. 48 kq çəkidə isə finalçının adına aydınlıq gəlib.

Azərbaycan boksçularından 4-ü yarımfinala yüksəldiyi halda, 1-i həlledici görüşdə iştirak hüququ qazanıb.

Turnirin üçüncü günündə 19 görüş olacaq. Döyüşlər saat 15:00-da başlanacaq

Qeyd edək ki, 11 ölkədən 100-dən çox idmançının qatıldığı yarışın final döyüşləri aprelin 1-də keçiriləcək.

1/4 final

63 kq

Tərlan Əhmədov (Azərbaycan) - Taqir Satayev (Qazaxıstan) - ikinci tam üstünlüklə qalib gəlib;

İman İrani (Azərbaycan) - Asker Xuaniş (Qazaxıstan) - 0:5;

İqor Solovyev (Qazaxıstan) - Daniel Quranda (Moldova) - 5:0;

Zviad Axalouri (Gürcüstan) - Abbasqulu Şadlinski (Azərbaycan) - zədə səbəbindən döyüş dayandırılıb, ikinci qalib elan olunub;

66 kq

Kiril Şkuta (Qazaxıstan) - Timofey Tenyayev (Rusiya) - 0:5;

Emir Kunoviç (Bosniya və Herseqovina) - Rüstəm Neymətov (Azərbaycan) - ikinci nokautla qalib gəlib;

Rövşən Abbasov (Azərbaycan) - İvan Sinyak (Belarus) - 4:1;

Elnur Abdullayev (Gürcüstan) - Bekaris Nurmuxan (Qazaxıstan) - 0:5;

70 kq

Əli Məmişov (Azərbaycan) - Jassullan Berdali (Qazaxıstan) - 0:5;

Rizat Tursinbek (Qazaxıstan) - Ahmet Aydamirov (Rusiya) - 0:5;

Muhammadsaid Qulomov (Özbəkistan) - Kənan İsayev (Azərbaycan) - 5:0;

75 kq

Tarik Kunovaç (Bosniya və Herseqovina) - Davit Mxetsadze (Gürcüstan) - 0:5;

Əmir Abbasov (Azərbaycan) - Rüstəm Həsənov (Rusiya) - ikinci tam üstünlüklə qalib gəlib;

Bakitjan Ayitmuxanov (Qazaxıstan) - Vüsal Məhərrəmov (Azərbaycan) - birinci tam üstünlüklə qalib gəlib;

80 kq

Hüseyn Hüseynli (Azərbaycan) - Fuad Babayev (Azərbaycan) - 1:4;

Andrey Rumyansev (Belarus) - Bekars Nariman (Qazaxıstan) - ikinci döyüşə gəlməyib;

+80 kq

Dias Ayupov (Qazaxıstan) - Stanislav Jilianin (Belarus) - 2:3;

Bexultan Kayratuli (Qazaxıstan) - İlkin Məmmədli (Azərbaycan) - 4:1;

1/2 final

48 kq

Zidan Hümbətov (Azərbaycan) - Maksim Çapliqin (Rusiya) - 3:2.