bizimlider.com
http://bizimlider.com
http://bizimlider.com

Şuşada İslam Dünyası İrs Komitəsinin 12-ci iclası öz işinə başlayıb

9-10-2024, 10:34 0 dəfə baxılıb



İslam Dünyasının Mədəniyyət paytaxtı Şuşada ICESCO-nun İslam Dünyası İrs Komitəsinin 12-ci sessiyası keçirilir.

Tədbirdə iştirak üçün Şuşaya gələn qonaqlar üçün öncə mədəni irs yerlərinə ekskursiya təşkil edilib.

Dünən öz işinə başlayan sessiyada Azərbaycan Respublikası Prezidentinin xüsusi nümayəndəsi Aydın Kərimov açılış nitqi ilə çıxış edərək qonaqları Şuşada salamlayıb və komitənin işinə uğurlar arzulayıb. Daha sonra ICESCO-nun Baş direktoru Salim Muhammed əl-Malikin tədbir iştirakçılarına müraciəti oxunub.

Mədəniyyət nazirinin müavini Səadət Yusifovanın açılış nitqində Azərbaycanın mədəni irsi və bu irsin qorunması naminə həyata keçirilən dövlət siyasəti haqqında ətraflı məlumat verib. Ölkəmizin zəngin tarixi-mədəni irsində Qarabağ irsinin xüsusi yer tutduğunu deyən S.Yusifova, işğal dövründə dağıdılmış abidələrə dair statistik məlumatları paylaşaraq mədəni mühitin və irsin canlandırılması üçün hazırda davam edən bərpa-quruculuq işləri haqqında danışıb.

Bununla yanaşı, təbii irsin qorunmasının vacibliyini vurğulayan nazir müavini Mədəniyyət Nazirliyinin COP29 çərçivəsində planlaşdırdığı beynəlxalq tədbirlər və yeni təşəbbüslər haqda məlumat verib.

Açılış sessiyasında daha sonra çıxış edən komitənin sədri, Səudiyyə Ərəbistanı təmsilçisi Alayidarus Muhammed yüksək səviyyədə təşkilatçılığa görə ev sahibi Azərbaycana təşəkkürünü bildirib və sessiyanın gündəliyi barədə məlumat verib.

Açılış sessiyasının sonunda Şuşa Qoruğuna həsr olunmuş xüsusi təqdimat izlənilib. Açılış sessiyasının sonunda komitə üzvləri xatirə fotosu çəkdiriblər.

Fasilədən sonra keçirilən birinci sessiyada İslam Dünyası İrs Mərkəzinin direktoru Vebber Ndoro tərəfindən mərkəzin konsepsiyası, növbəti iki ili əhatə edən prioritetləri təqdim edilib. Təqdimata dair Azərbaycan, Burkino-Faso, Qətər, Fələstin və digər ölkələrin təklifləri müzakirə edilib.

Ekspertlər şurasında ölkəmizi təmsil edən Rizvan Bayramovun çıxışında komitə tərəfindən İslam ölkələrində mövcud olan qeyri-islam irsi, eləcə də, qeyri-islam ölkələrində mövcud islam irsinin müvafiq siyahıyaalma mexanizmləri üzrə işin təkmilləşdirilməsi təklif edilib.

İkinci sessiyada 2024-cü ildə həyata keçirilmiş layihələr üzrə hesabatlara baxılıb, komitə üzvlərinin təklifləri müzakirə edilib.

Sessiya öz işini bu gün davam etdirəcək.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA
«    Ekim 2024    »
PtSaÇrPrCuCtPz
 123456
78910111213
14151617181920
21222324252627
28293031