Azərbaycanı 2007-ci və 2016-cı ildə “Avroviziya” beynəlxalq mahnı müsabiqəsində təmsil edən müğənni Elnur Hüseynov uzun sürən sükutunu qalmaqallı açıqlamaları ilə pozub.

Oxu.Az xəbər verir ki, “ADDIM” İctimai Birliyinin “Instagram”da canlı yayımına qonaq olan ifaçı ölkəmizin “Avroviziya” müsabiqəsinə xarici bəstəkarların yazdığı mahnılarla qatılmasını tənqid edib:

“Komandaya dəfələrlə demişəm, hətta bək-vokal kimi gəlib dəstək belə olaram, təki yerli bəstəkarlarla gedək. Amma təəssüf ki, komandada doğru söz deyənə “demaqoq” damğası vurub, uzaqlaşdırırlar. Biz orada özümüzü təmsil etməliyik, Avropaya, Amerikaya oxşamamalıyıq”.

Qeyd edək ki, müğənni E.Hüseynov “O səs Türkiyə” mahnı müsabiqəsində qalib olduqdan sonra qardaş ölkəyə köçərək, orada muğənni kimi çalışır.