“İnstagram” yeni funksiyasını elan edib. Bu funksiya artıq istifadəçilərin ixtiyarındadır.

Platformaya istifadəçilərin hekayə paylaşımına şərh bildirmə özəlliyi gəlib.

Şirkət bildirir ki, istifadəçilər istəsələr bu seçimi deaktiv edə bilərlər.

“Meta” şirkətinin baş direktoru Mark Zukerberq bu barədə şirkətin kanalında skrinşot yerləşdirib.

“Instagram” rəhbəri Adam Mosseri daha əvvəl qeyd edib ki, hekayə formatı proqramın ən populyar xüsusiyyətlərindən biridir və əsas lentə məzmun yerləşdirməkdən daha geniş istifadə olunur.