İstanbul Baş Prokurorluğu şəhər bələdiyyəsinə qarşı cinayət istintaqı çərçivəsində saxlanılan şübhəlilərin tibbi yoxlanışlarının polis idarəsi daxilində edildiyi ilə bağlı xəbərlərin gerçəyi əks etdirmədiyini bildirib.

Bizimlider "Haber Global"a istinadən xəbər verir ki, açıqlamada tibbi yoxlamaların polis idarəsi binası xaricində həyata keçirildiyi qeyd olunub.

Prokurorluq tərəfindən yayılan yazılı açıqlamada bəzi media orqanlarında, əsasən Ekrem İmamoğlu olmaqla, saxlanılan bəzi şəxslərin dərmanlarının verilmədiyi də təkzib edilib.

Açıqlamada şübhəlilərin saxlanıldıqları müddətdə dərmanlarını istifadə etdikləri və bu vəziyyətin təhlükəsizlik orqanları tərəfindən protokola salındığı qeyd edilib. Bundan əlavə, şübhəlilərin həkim müayinələrinin təhlükəsizlik məmurunun olmadığı xüsusi bir otaqda və polis binası xaricində edildiyi bildirilib.