Jurnalist, publisist, yazar İradə Şahbəddin qızı Qaracayevanın 20 illik yaradıcılığının işiğına toplaşan dəyərlilər və dəyərli qələm sahibləri Xoş gəlmisiniz!
İlk öncə Yubiyeyin təşkilatçısı Nazim müəllimə təşəkkür edirəm.
8 illik dostum, sirdaşım İradə xanım haqda işiqlı düşüncələr, yadda qalan günlər və gözəl xatirələrə malikəm. Lakin qısaca İradə xanım dedikdə düşünürəm ki, dünyanın heç bir qadını Azərbaycan qadını kimi mətin və dözümlü ola bilməz, buna nümunə kimi İradə xanımı göstərmək olar. Yaradıcılığına gəldikdə isə onun qələmində özünəməxsus və orijinal xüsusiyyətlər üstünlük təşkil edir. Beləki, bir çox siyası, publisist və bədii əsərlər qələmə almışdır. Yazmış olduğu kitabları oxuyan hər kəs istər istəməz müəllifin həssas, incə qəlbli, vətənpəvər olduğunu təsdiqləyər. Bəli, hər kəs düşünəcək ki, mən 8 illik sədaqət borcumu yerinə yetirmək üçün bu füsətdən istifadə edib İradə xanımı həddən ziyadə, çox tərifləyirəm, qətiyyən bu belə deyil, haqqında söylədiyim sözlər sadə həqiqətlərdir!
Qəribə gün sorağında adlı povesti Vətənpərvər olmasının təsdiqidir desəm yəqin ki, yanıltmaram, Əsərin qəhrəmanı Alagözlü, uzun qara saçlı Güneldir. O, Kəlbəcərin dağ kəndlərindən birində dünyaya göz açmışdır, uşaq yaşlarından düşmənlərimiz tərəfindən facivə şəkildə ata-anası qətlə yetirilmiş, öz doğma yurdundan, Kəlbəcər dağlarından qaçqın-didərgin düşmüşdür. Bakıda yetimxanada böyüməsi və sonrakı taleyindən bəhs edilir əsərdə. Əsərin ana xətti Yurd həsrətidir. Əsərdə olan incə məqamlar, həmin dövrün problemlərini bir jurnalist kimi qələmə alması İradə xanımın bir daha junalist kimi püxtələşməsindən xəbər verir desəm daha doğru olar və eyni zamanda özünə məxsus qələminin olmasının təsdiqidir deyərdim. Əsərdə ən çox diqqət çəkən məqam şəxsən mənim üçün Azərbaycanımızın cənnət güşəsi olan Qarabağ torpağının əsrarəngiz gözəlliyini incə naxışlarla qələmə almasıdır. Bununla yanaşı Ailə problemləri, ağsaqqal sözü, milli mənəvi dəyərlərimiz vurğulanan povest oxunaqlı olduğu qədər də düşündürücü və təsirlidir. Qəribə gün sorağında əsərinin qəhrəmanı Günelin qəlbindəki ağrılı acılı günlərini sözlərlə ifadə edərək qələmə alması insanı istər istəməz Vətənpərvərlik, el oba, doğmalar və əzizlər haqda düşünməyə vadar edir. Qarabağ həsrəti ilə yaşadığımız illərə aparır. Çox, şadam ki, artıq Günelin, balaca qızı Aydanın, həmçinin bizim də Yurd həsrətimiz bitib, çünki, Zəfər çalmışıq və Qarabağ Azəbaycandır!
İradə xanım jurnalistikaya yeni gələnlər üçün əsl məktəbdir. Yaradıcılığınızın 20 illiyi və ad gününüz münasibəti ilə səmimi qəlbdən təbrik edirəm, sizə Uca Tanrıdan möhkəm can sağlığı, uzun ömür, yaradıcılıq uğurları arzulayıram. Kədər ayağınızın tozu, sevinc başınızın tacı olsun, nə yaxşı ki, varsınız, nə yaxşı ki, doğulmusunuz...
Dərin hörmətlə, Şəhla Yaşar qızı Qəmbərova.