Ukrayna Prezidenti Volodimir Zelenski Ukraynadakı ölümlərə görə Rusiyanı ittiham edib, lakin eyni zamanda xatırladıb ki, baş verənlərə görə Qərb ölkələri də məsuliyyət daşıyır.

Ukrayna Prezidenti Volodimir Zelenski bu barədə xalqa növbəti müraciəti zamanı dilə gətirib.

Volodimir Zelenski Qərb ölkələrini Ukrayna səmasını bağlamadıqlarına görə qınayıb.

“Artıq 13-cü gündür bizə deyirlər ki, səmada kömək olacaq, təyyarələr olacaq, onlar bizə təhvil veriləcək”, - Ukrayna Prezidenti söyləyib.

V. Zelenski həmçinin vurğulayıb ki, Ukrayna şəhərlərində yüz minlərlə insan, sözün əsl mənasında, həyat və ölüm arasındadır.