Manisada Hataydan gələn zəlzələ qurbanlarının olduğu avtomobil qəzaya uğrayıb. Qəzada zəlzələdən sağ çıxan 1 nəfər ölüb, 5 nəfər isə yaralanıb.

Hadisə Manisanın Salihli rayonunda yaşanıb. Burada Hataydan gələn minik avtomobili ilə mikroavtobus toqquşub.

Qəza nəticəsində son zəlzələlərdən xilas olmağı bacaran 66 yaşlı Yusuf Gülən həyatını itirib.

Yaralılar Salehli Dövlət Xəstəxanası və rayondakı özəl xəstəxanalara aparılıblar. Vəziyyəti ağır olan Yusuf Güləni həkimlərin bütün müdaxilələrinə baxmayaraq, xilas etmək mümkün olmayıb.