Ümumdünya Səhiyyə Təşkilatının (ÜST) baş direktoru Tedros Adhanom Gebreyesus zəlzələ fəlakəti ilə sarsılan Türkiyəyə gəlib.

“Mən tibb işçiləri, səhiyyə qrupları və son zəlzələlərdən zərər çəkmiş insanlarla görüşmək üçün Türkiyənin Qaziantep şəhərinə yenicə gəlmişəm. Doktor Hans Kluge və mən ÜST-nin Türkiyədəki bütün insanların sağalması üçün həmrəyliyini və dəstəyini bir daha təsdiq edəcəyik”, - deyə o, bildirib.

ÜST-nin Avropa, o cümlədən Türkiyə üzrə regional direktoru Hans Kluge zəlzələ fəlakətindən zərər çəkmiş ərazilərdə ÜST-nin işini araşdıracaqlarını deyib.