Qarabağ münaqişəsi başlayandan erməni separatçıları tərəfindən törədilən cinayətlərin hər biri sənədləşdirilib.

APA xəbər verir ki, bunu Baş prokuror Kamran Əliyev jurnalistlərə açıqlamasında deyib.

O bildirib ki, 4 qrup üzrə araşdırmalar aparılır: "Birincisi, Birinci Qarabağ müharibəsi zamanı baş vermiş cinayətlərdir. İkincisi, atəşkəs zamanı baş verən cinayətlərdir. Üçüncüsü, Vətən müharibəsi zamanı baş vermiş cinayətlərdir. Dördüncü qrupa isə Vətən müharibəsi bitəndən sonra baş vermiş cinayətlər daxildir".

Baş prokuror əlavə edib ki, Qarabağda cinayət törətmiş 300-dən çox separatçı beynəlxalq axtarışa verilib.