Gənclərin İnkişaf və Karyera Mərkəzinin Lerik nümayəndəliyi gənclər üçün Debat təlimləri həyata keçirir. Layihənin əsas məqsədi gənclərin şəxsi inkişafına dəstək olmaq, onların öz fikirlərini açıq, aydın səlis ifadə etmələrinə dəstək olmaqdan ibarətdir. Layihə çərçivəsində gənclərə debatın qaydaları, prinsipləri və formaları öyrədilir. Debat bir təhsil proqramı kimi gənclərin bir çox şəxsi keyfiyyətlərinin inkişafına səmərəli kömək edəcək.
Onu da qeyd edək ki, bu yaxınlarda gənclərin aktyorluq və səhnə bacarıqlarının artırılması üçün “SəhnəmİZ” layihəsinə də start verilib.