44 günlük Vətən müharibəsi bir daha isbat etdi ki, Azərbaycan xalqı ən ali hisslərə məxsus bir xalqdır. Beləki yenilməz, cəsur, mərd, mərhəmət və əzimkarlıqları ilə fərqlənən, döyüş vaxtı öz şücaətləri ilə tarix yazan neçə-neçə Qəhrəman evladlarımız Vətən uğrunda canından keçməsi ilə tarixə qızıl deyil qanlı hərflərlə Qarabağ Azərbaycanındır !!! yazdılar. İgidlərimiz müharibəyə gedərkən Torpaq uğrunda ölən varsa Vətəndir dedilər. Allah bütün Şəhidlərimizə rəhmət etsin,məkanları cənnət, ruhları şad olsun İlahi Amin.
Bu gün Şəhidlərimizin şücaətləri və keçdikləri döyüş yolu haqda bir çox insanlar kitablar dərc etdirirlər, bu həqiqətən çox dəyərli və dəyərli olduğu qədərdə əzizdir, çünki hər bir şəhidimizin adı əbədiləşdirilməlidir, bunu etmək üçün mütləq yazarlar, şairlər, dəyərli qələm sahibləri birləşməli və birlik bərabərlik vəhdət daşımalıdır. Şəhidləri unutmamalı, unutdurmamalıyıq!!!

Müxtəlif zamanlarda, müxtəlif yazarların, şairlərin dili ilə desək Qələmin gücü deməli deyil göstərilməlidir. Şəhidlərimizin haqqında yazılan bütün şeirlər, məqalələr yaxud povest və romanlar mütləq şəkildə Dövlət tərəfindən xüsusi bir şəkildə qorunmalıdır. Onlar bizə Qarabağı öz qanları bahasına geri qaytardıqları üçün onları tanıtmaq bütün media, KİV nümayəndələrinin, dəyərli qələm sahiblərinin borcudur həmçinin hər bir Azərbaycanlı Vətən müharibəsində Şəhid olanları tanımalı və tanıtmalıdır!!!

Şəhidimiz Toğrul Məmmədovun xatirəsinə həsr olunmuş "Qeyrət təcəssümünü" kitabı yaxın günlərdə oxuculara təqdim olunacaq. Şəhidlərimiz bizim təkcə torpaqlarımızı işğaldan azad etmədilər eyni zamanda hər birimizin alnından qara ləkəni sildilər bu yolda can verdilər. Şəhidlərimizin adlarının əbədiləşdirilməsi üçün atılan hər bir adımı dəstəkləyirik.
Allah bütün Şəhidlərimizə rəhmət etsin. Şəhidlər unudulmur!!!

Hörmətlə, "Qızıl Qələm" media mükafatı laureatı Şəhla Yaşar qızı Qəmbərova (Şəhla Yaşar)