Suraxanı rayonu Hövsan qəsəbəsinə gedən yolda işıqlandırma yoxdur.

Oxu.Az xəbər verir ki, sözügedən istiqamətdə, eləcə də yolun Hövsan qəsəbəsi Zığ bağları adlanan ərazisindən keçən hissəsində işıqlandırma problemi hələ də davam edir.

Bir müddət öncə, daha dəqiq desək, mayın 29-da sözügedən ərazidə yolu keçmək istəyən üç nəfəri maşın vurub öldürmüşdü. Bundan sonra yolda işıqlandırma bərpa edilmişdi. Ancaq ötən gecə lentə alınan görüntülərdə yolun yenə qaranlığa qərq olunduğu görünür.