Kərə yağının bahalaşması ilə əlaqədar Rusiya sakinləri onu evdə istehsal etməyə başlayıblar.

Bu barədə “Mash” teleqram kanalı məlumat yayıb.

Onların sözlərinə görə, evdə kərə yağı istehsal edən avadanlığa tələbat 49 faiz artıb. Bu avadanlığın qiyməti həcm və dizayndan asılı olaraq dəyişir.

Bundan əvvəl Rusiyada kərə yağının il ərzində 20 faizdən çox bahalaşdığı bildirilirdi. Bunun əsas səbəblərindən biri istehsal xərclərinin artması idi. Son iki ayda xammalın alış qiyməti 20-30 faiz artıb.