Bu gün Xankəndidə separatçılar özlərinə yeni "baş separatçı" "seçiblər". Terrorçu qruplaşmalar arasında qarşıdurma olduğu, prosesin münaqişə ilə nəticələnə biləcəyi bildirilirdi.

Publika.az xəbər verir ki, münaqişə ehtimalının olması güclənir. Xankəndidən gələn məlumatlarda bildirilir ki, Samvel Babayanın tərəfdarları küçələrə axışıblar. İştirakçılardan biri deyib ki, "mitinq"də 500-ə yaxın adam var.

Xankəndidən gələn xəbərlərə görə zirzəmidə keçirilən "seçki"də yeni "baş separatçı" Samvel Şahmaryan olub. Bundan sonra tərəflər arasında qarşıdurmanın silahlı münaqişəyə çevrilmək ehtimmalı var.

Bu silahlı münaqişədən isə sadə ermənilər də əziyyət çəkə bilərlər. Ona görə də, Azərbaycan Ordusu asayişi təmin etmək, separatçı-terrorçuları zərərsizləşdirmək üçün Xankəndiyə daxil ola bilər. Bunun üçün Azərbaycanın əlində tam qanuni əsaslar var.